Tha An Lòchran a’ fastadh!
An Lòchran is hiring!
Tha sinn a’ sireadh Oifigear Coimhearsnachd Gàidhlig pàirt-ùine a bhios stèidhichte ann an Glaschu, a chuireas taic ri sgioba An Lòchrain gus amasan an ionaid a choileanadh. Thèid an dreuchd seo a mhaoineachadh fad bliadhna, ach tha sinn an dùil gum faigh sinn sìneadh às dèidh sin. Ar taing do Bhòrd na Gàidhlig airson an dreuchd seo a mhaoineachadh.
Fiosrachadh na h-obrach
Tiotal na Dreuchd Job Title: Oifigear Coimhearsnachd Gàidhlig
Buidheann Organisation: An Lòchran
Ceannard Reporting To: Bòrd An Lòchrain
Sgeideal na h-Obrach Working Pattern:
18 uairean gach seachdain, £15,000 (FTE: £30,000)
Làrach-obrach Location of Work:
Faodaidh an t-oifigear ag obair aig baile nuair a bhios sin iomchaidh, ach bidh amannan ann far am b’ fheudar dhaibh dol dhan ionad ann am Partaig. ’S ann leis An Lòchran a bhios cosgaisean siubhail airson tursan taobh a-muigh Ghlaschu.
Seagh na h-Obrach Job Purpose:
Taic a chur ri ruith An Lòchrain bho latha gu latha
Amasan na dreuchd a choileanadh (gheibhear fiosrachadh man deidhinn gu h-ìosal)
Sgilean-riatanach Essential Requirements:
Fileantachd sa Ghàidhlig agus sa Bheurla, le comasan leughaidh, sgrìobhaidh agus labhairt
Sgilean digiteach, gu sònraichte eòlas air Microsoft Office, Outlook msaa
Deagh sgilean conaltraidh, a’ gabhail a-staigh bruidhinn air beulaibh luchd-amhairc
Cofhurtail bruidhinn air na meadhanan, an dà chuid meadhanan Gàidhlig agus Beurla, m.e. BBC Alba, RnG
Comasach puist a chruthachadh air na meadhanan sòisealta, gu h-àraid Facebook agus Instagram
Comasach clàr-ama obrach a chruthachadh fo do stiùir fhèin, agus pròiseactan fad-ùineach agus dleastanasan seachdaineil a chothromachadh aig an aon àm
Buadhan a bharrachd a chuireadh taic dhut Additional Qualities / Nice to haves:
Cleachte ri bhith ag obair le clann agus daoine seo-leònta eile
Coileanadh ann an dreuchd Ghàidhlig san àm a dh’ aom
Dòighean obrach
Seanailean conaltraidh
Thèid bòrd An Lòchrain ann an conaltradh ris an oifigear tro:
Am fòn-obrach
Sheòladh post-d An Lòchran
Iomraidhean air faidhlean OneDrive ‘s a leithid
Coinneamhan tro na h-uairean obrach
Taobh a-muigh suidheachaidhean èiginneach, cha toirt bòrd An Lòchrain stiùireadh don oifigear tro sheanail sam bith eile. Tha sinn a’ creidsinn anns an “right to switch off”. Mar sin, chan eil sinn an dùil gun leugh an t-oifigear teachdaireachdan bhuainn taobh a-muigh nan uairean-obrach aca. Bheir sinn fòn-obrach agus laptop-obrach dhaibh.
stiùireadh agus taic
Barrachd air teachdaireachdan sgrìobhte, nì bòrd An Lòchrain an dìcheall a bhith ruigseannach airson coinneamhan cunbhalach a chumail ris an oifigear ma bhios iad ag iarraidh. Bidh sinn ag amas air suas ri dà choinneamh gach mìos a-rèir dè cho iomchaidh ‘s a bhios sin airson taic a chur ris an oifigear.
Amasan na dreuchd
Bidh amasan an lùib na dreuchd seo. Ma choileanas sinn na h-amasan, bidh deagh theanns ann gum faigh sinn sìneadh airson na dreuchd a mhaoineachadh fad bliadhna no dhà eile.