Òrain le Eilidh

Songs With Eilidh

[English further below]

Tha sin uabhasach toilichte innse dhuibh gun tàinig e gu co-obrachadh, air a’ cheann thall, eadar an seinneadair Eilidh NicCarmaig agus An Lòchran! Bidh sibh uile gu math eòlach air Eilidh, ’s i air pàirt a ghabhail ann an iomadh pròiseact ciùil thar nam bliadhnaichean. Mar eisimpleir, ’s ann le Eilidh fhèin a chaidh an t-òran àlainn, àlainn SEO a chlàradh a lorgar sa gheama-bhideo The Bard’s Tale IV: Barrows Deep. Agus ’s iomadh òran a chlàr i còmhla ri Ceitlin agus Ellen mar phàirt dhen chòmhlan SIAN, m.e. an tionndadh Gàidhlig SEO de dh’òran traidiseanta nan linntean a dh’fhalbh.

Bidh Eilidh a’ cumail trì seiseanan-seinn uile-gu-lèir aig An Lòchran sa mhìos seo (postair gu h-ìosal). Thòisich cùisean Diardaoin, an 3s latha dhen Iuchar, agus abair thusa gun robh na h-aoighean toilichte a bhith an làthair, ’s iad ag ionnsachadh bho Eilidh agus bho a cuid eòlais. Seo na bh’ aig fear dhe na h-aoighean, Chris, ri ràdh ma dheidhinn:

“Dh’ionnsaich sianar aig an robh diofar ìrean de Ghàidhlig na fuinn is na faclan air trì òrain – Turas dhomhsa chun na Galltachd, Gura thall ann an Sòaigh, agus Cò th’ ann ach Anna mo Nighean (dà thionndadh).

Chòrd an seisean ris a h-uile duine a bh’ ann, bhe e gu math spòrsail agus neo-fhoirmeil, agus ’s e tidsear math a th’ ann an Eilidh.”

Tha clàraidhean air na trì òrain rin lorg air-loidhne:

#1 (le Ellen NicDhòmhnaill)

#2 (an tionndadh le Clannad, leis an èirich am falt air do cheann!)

#3 (leis na MacDonald Sisters)

Fhuair sinn beagan fiosrachaidh bho Eilidh fhèin cuideachd. “Bhruidhinn sinn air an eachdraidh air chùl nan òran, agus chaidh sinn tromhpa ag ràdh nam facal an toiseach agus an uair sin a’ cur fonn riutha,” mhìnich i. “Rinn iad uile fìor mhath agus bha e math cuid a choinneachadh aghaidh-ri-aghaidh a tha air a bhith còmhla rium air-loidhne.”

Taing mhòr do dh’Eilidh agus dhan fheadhainn a bha an làthair! Tha dà sheisean fhathast romhainn: an 17mh agus an 24mh dhen Iuchar. Airson tuilleadh fiosrachaidh fhaighinn agus àite a ghlèidheadh – aig An Lòchran, no aig na seiseanan a chumas Eilidh air-loidhne – nach tadhail sibh air an làrach-lìn SEO.

xx

[English]

We’re so pleased to announce that, finally, we’ve put a wee collaboration together with singer Eilidh Cormack! You’ll all have heard of Eilidh, who’s been involved in many a musical project over the years. For instance, she recorded the beautiful wee song HERE that some will know from the video game The Bard’s Tale IV: Barrows Deep. And she’s recorded lots with Ceitlin and Ellen as part of SIAN, for instance with THIS Gaelic rendition of a traditional song from times past.

Eilidh will be running three singing sessions all in all at An Lòchran this month (see poster below). We kicked things off on Thursday 3rd July, and the attendees were delighted to take part, learning from Eilidh and her experience. Here’s what one of them, Chris, had to say about it:

“Six of us, at different levels of Gaelic, learned the melodies and words to three songs – Turas dhomhsa chun na Galltachd, Gura thall ann an Sòaigh, and Cò th’ ann ach Anna mo Nighean (two different versions).

Everyone enjoyed the session; it was a lot of fun and not at all formal. Eilidh is a great teacher!”

Recordings of these three songs can be found online as follows:

#1 (artist: Ellen MacDonald)

#2 (artist: Clannad, and their spine-chilling version!)

#3 (artist: The MacDonald Sisters)

Eilidh chipped in with some feedback as well. “We talked about the history behind the songs and went through them together, speaking the words at first, and then adding a melody to them,” she explained. “Everyone did really well, and it was good to meet some people face to face who’ve been coming to my online sessions.”

A big thank you to Eilidh and to those who took part! We’ve got two more sessions coming up: on July 17th and 24th. For more info and to reserve a spot – either at An Lòchran, or at one of Eilidh’s online sessions – please visit the following website: LINK.

xx